明星足球隊成員黃日華、羅家英與梁漢文等日前齊集順利邨球場進行友誼賽，黃日華踢中場助攻，他大讚被喻為明星隊「朗拿禿鷹」的羅家英體力過人，雖然最終輸波，但黃日華坦言賽果不重要，最緊要訓練團隊精神。
黃日華、羅家英、洪天明、梁漢文（梁炳）、吳毅將、吳家樂和樓南光等日前到順利邨球場，黃日華、家英哥、洪天明和樓南光的藍組，與梁炳、吳家樂和吳毅將等組成的黃組進行友誼賽，吸引不少市民及fans到場圍觀。
射龍門大顯神威
雖然當天烈日當空，但大夥兒卻踢得十分投入，華仔和梁漢文不斷射波，曾被譚詠麟喻為明星足球隊秘密武器的「朗拿禿鷹」家英哥見波就起腳射龍門，表現極之神勇。
不過，黃日華與家英哥的一隊最後以三比四輸波，賽後黃日華說：「今日對方嘅實力好啲，我哋捱打啦！」講到個人球技，他抵死地說：「我鍾意交波畀人，好少自己入波，我踢中場助攻，穿針引線，唔助守、唔救波嘅。」
黃日華又大讚梁炳和家英哥踢得好，他說：「梁炳好波啲，佢有腳法，係體力差啲；家英哥就犀利啦，佢體力勁過以前，佢踢後衞，鍾意射波嘅。」
黃日華表示其實一班圈中台前幕後同事踢波，主要是做運動及訓練團隊精神，賽果並不重要，他笑說：「大家踢完波多數會飲茶，傾吓偈，賽果係點、唔理渣波定好波，大家都係玩吓啫，我哋講明每腳只可以掂三次波，一定要交波畀人，咁樣可以加強大家嘅鬥心同合作性，訓練到幫人。」
年底與阿姐遊澳
而患上肝癌的家英哥則表示身體並無大礙，他說：「我今朝去醫院照腸，要過幾日至有報告，都要定時照同覆診，人就冇乜嘢。」他透露正計劃年底偕女友汪明荃到澳洲旅行。
採訪：朱倬誼
攝影：何國豪
