林峯與鄧萃雯日前為新劇拍攝一場羽毛球比賽，對手是曾偉權和羅慧娟。劇情講述林峯球技了得，輕易將敵方擊倒，但實際上他只是「有姿勢冇實際」，經常無故「喪跳」，似打排球多過打羽毛球！
林峯、鄧萃雯和曾偉權等《女人唔易做》演員日前齊集黃埔博藝會進行拍攝，劇情講述雯女與林峯，羅慧娟跟曾偉權分成兩隊，比試羽毛球球技，結果雯女在球技了得的林峯帶領下，輕易擊倒對手。
曾偉權最掂
然而，現實跟劇情卻是完全兩回事。在埋位前，四人先練波熱身，記者發現球技最出色的原來是曾偉權，他還充當教練教羅慧娟打波，其次是雯女。
至於林峯和羅慧娟，前者儼如患了過度活躍症，無論高波或低波也跳高去打，似打排球多過打羽毛球；娟妹則全無運動細胞，舉拍甚少「掂到個波」，場面搞笑。
雯女籃球精
雯女事後說：「讀書嗰陣我係籃球同排球校隊，羽毛球間中都有打吓，但近年已經好耐冇打過，所以有多少生疏。平時唔使開工，我會去游吓水或者做Gym，但一個人做Gym幾悶㗎！」至於亦曾是排球校隊隊員的曾偉權就笑言：「基本上用手去接嘅球類運動我都OK㗎！」林峯則表示最喜歡的運動是游水，因游水可以keepfit收身。
至於「零」運動細胞的羅慧娟，但一提到潛水，她即變得眉飛色舞說：「喺唔同季節同唔同地方去潛水，又會有唔同景象，真係層出不窮㗎！」
採訪、攝影：娛樂突發組
