首次拍劇的谷祖琳日前拍攝亞視新劇中一幕結婚戲，首次穿婚紗的她以真材實料上陣，不用靠托，還獲「老公」黃浩然大讚漂亮動人，但谷祖琳表示對結婚憧憬不大，將來擺酒寧願一切從簡。
谷祖琳和黃浩然日前在清水灣片廠拍攝亞視新劇《情陷夜中環》中一場結婚戲，雖然兩人首次合作，但卻相當有默契，黃浩然對穿婚紗上陣的谷祖琳更讚不絕口，讚她內在美和外在美兼備。
結婚一切從簡
問黃浩然會否擔心跟谷祖琳傳緋聞，他說：「梗係唔會喇，小谷佢係一個好有性格同好爽嘅女仔。」
谷祖琳對於首次拍劇便須着婚紗，感到十分辛苦，更直言將來結婚一定不會穿婚紗，她說：「真係第一次着，第時真係結婚都唔會着，只會一切從簡，我覺得即使旅行結婚都唔會着婚紗，由細到大對結婚都唔會有好大嘅夢想。」
大讚謝賢開心果
身材不俗的谷祖琳穿婚紗時亦未有刻意托胸，她說：「其實真係好辛苦，唔會托乜喇，再托就托到上頭，以前行騷都係照戴普通嘅bra，我覺得自然就係最靚。」
黃浩然在劇中為了上位，不惜迎娶飾演謝賢（四哥）女兒的谷祖琳，久未拍劇的四哥開工時更不時搞搞氣氛，令演員和工作人員哈哈大笑，而每位跟四哥合作過的女藝員均大讚他甚有風度，問谷祖琳可試過被四哥撩時，她說：「佢又冇撩我，不過佢真係好正，成日都好開心。」
