立法會議員忽然一條心，因為「神六」成功升空，民建聯嘅馬力同工聯會嘅譚耀宗，星期三趁立法會開會，攞咗張自製嘅大賀卡出嚟，畀晒六十位議員簽名。八方噚日問譚耀宗，佢話已經第一時間將張卡送咗去中聯辦，請佢哋代轉去畀總理溫家寶。
立會議員在北上之後似乎融洽咗好多，所以話世事常變，中央一聲和諧，大家都識做，受埋民主派玩。比起董治時代，大家事事針鋒相對好唔同。講起老董，佢同董太前日去咗酒泉睇太空船升空，攞番個彩；噚日就去咗北京開政協會議，董太前日雖然坐後排，都好搶眼。
傳真︰2623-9278
電郵︰[email protected]