關之琳前晚出席手袋店剪綵活動時心情靚絕，天南地北無所不談，提到近日在港人氣沸騰的韓星Rain時，更有妙論，她說：「我有去睇演唱會，但係乜嘢都見唔到，因為好多女仔fans喺前面尖叫、搖棒，睇到我好似又聾又盲，淨係見到佢單吓眼咁，佢隻眼好細，好似林憶蓮呀！不過佢男仔嚟，應該係似林憶蓮細佬。」
「佢好瘦囉」
問關之琳可覺得Rain靚仔？她笑說：「都話似林憶蓮囉！我入後台見到，就覺得佢好瘦囉！」她又指香港亦有郭富城，與Rain同樣是跳得之人，問她覺得郭富城和Rain哪一個較靚仔？關之琳說：「一樣囉！」若與劉德華比較呢？她即說：「咁華仔靚仔啲。」