滙豐喺國內積極拓展業務，咁當然要識做，佢哋喺內地嘅慈善捐款舊年高達二千二百五十八萬元人民幣，登上《福布斯》二○○五年中國慈善榜跨國公司榜首。滙豐大班鄭海泉話，集團一直致力推動社區發展，喺內地支持慈善活動由來已久，迄今捐款逾一億元人民幣，用於教育、環保社會福利及賑災等項目；佢重揸白車上埋鏡做宣傳。
咁幫咗乜嘢項目呢？例如在長江中游湖北省漲渡湖、洪湖及天鵝洲建立三個示範點，令該等湖泊可以恢復與長江的季節性聯繫。另外又會展開濕地保育，增加濕地面積。另一個項目係由九九年開始，在內地六個城市培訓逾一萬名失業人士及外來工，幫助逾半工人搵到工作，又真係幾有意義。
傳真︰2623-9278
電郵︰[email protected]