大劉劉鑾雄向以出手闊綽見稱，最愛送贈法國名牌Herm囗s手袋給身邊女伴及家眷。不過由九一年起與他拍拖近八年的關之琳，前晚出席公開活動時指大劉從沒送過Herm囗s袋給她，但曾送贈給她的母親，非常「體貼細心」，又連聲稱讚大劉「鐵漢柔情」。
近年養尊處優的關之琳，前晚到中環為法國手袋品牌AndreRoss新店剪綵，心情大好，她更大談手袋經說：「我對手袋好有要求，都有少少係太太指標㗎，我冇去二手店賣袋，不過佢哋就成日喺舖頭貼我用過乜嘢袋嘅剪報。」問關之琳有無收藏Herm囗s手袋時，她說：「我都有幾個，不過全部都係我自己買，我去得巴黎多，好彩識得巴黎店經理，雖然waitinglist好長，不過都可以打吓尖。」
大讚體貼
聞鐵漢柔情表贊同
曾與關之琳拍拖八年的大劉劉鑾雄，最愛送名牌Herm囗s袋給身邊女伴和家眷，早前尖沙嘴崇光開幕，大劉家族由媽咪、弟婦、女友呂麗君及愛將甘比（陳凱韻）等，均以Herm囗s的Birkin袋示人。問關之琳可有收過大劉送贈的Herm囗s袋時，她說：「我知，佢一隻都冇送過畀我，淨係送過畀我媽咪啫！不過佢個人好體貼同細心。」
對於有報道指大劉送剛出籠的麻蓉包給女友呂麗君上飛機食，又形容大劉「鐵漢柔情」，關之琳昨大表同意，她肯定地說：「贊同！贊同！不過你哋唔好講佢啦，太耐喇！我哋冇乜見㗎喇。」
談到感情生活時，關之琳透露有追求者，她說：「可惜成日畀你哋嚇走，我𠵱家好多圈外朋友，啲朋友都好後生，不過我唔鍾意太年輕嘅男仔，我太忙喇，拍拖要講感覺，唔可以定死年齡，話要大我幾多，國籍都係，印度人、黑人都可以。」提到其緋聞男友、大生銀行家族成員馬清偉成熟穩重，她又曾坦承與對方啱傾，對方可是其理想人選？關之琳說：「馬生係好朋友，係親戚嗰種喇！」
關之琳又表示現時愛聽國語歌，她說：「我𠵱家鍾意聽台灣歌手李玖哲嘅歌，之前我鍾意聽信樂團，又傳我哋拍拖，下次可能講同佢（指李玖哲），不過都唔會，因為我係佢哋歐巴桑（指阿姨）。」
忍俊不禁
指舊MV能治抑鬱症
關之琳其後提到近日翻看以往所拍的MV，令她忍俊不禁，她笑說：「你哋有邊個朋友有抑鬱症，即刻送我嘅MV畀佢啦，一定開心番。」
此外，前晚名模Rosemary、LisaS.及陳小韻等均有示範新袋，但現場以多名穿上內衣及皮草褸的外籍模特兒最為搶鏡，她們身材惹火、動作誘人，令睇騷的來賓眼前一亮。而林建岳的女友陳浥萍亦有到場，她透露現時忙於美容院生意，而五歲半女兒亦已上國際學校及學跳舞，問到她何時會與林建岳結婚時，陳浥萍即閉口不語。
採訪：梁錦雯 攝影：何國豪
