李彩華和張衞健合演內地劇《阿有正傳》，講述二人加入馬戲班，大玩雜耍。扮演空中飛人的李彩華親身上陣，又學習轉碟，她透露稍後會推出唱片，以新形象見歌迷。
李彩華（Rain）和張衞健最近合作拍攝內地劇《阿有正傳》，阿Rain扮演馬戲班空中飛人，又玩雜耍，富家子張衞健因敗家而淪落街頭，幸好遇上阿Rain獲收留，健仔亦加入馬戲班，與阿Rain齊做空中飛人。
學一技之長
阿Rain在《阿》劇中親身上陣演出空中飛人戲份，她說：「因為我要接住張衞健，加上成日倒吊，所以扭親條腰嘅舊患，盆骨部位都麻痹晒，好彩唞吓就冇事。」
阿Rain又要表演雜耍轉碟，她說：「初頭有得玩，我就搶住嚟轉，結果梗係打爛咗好多隻碟。」導演安排雜耍導師教阿Rain，可是要掌握竅門，非一朝一夕，阿Rain說：「我玩極都玩唔到，真係好難。」最後阿Rain惟有放棄，只得出術把碟子和小木條黐在一起，可是又阻礙碟子的轉動，阿Rain笑說：「我今次學到一技之長，將來唔做演員，可以加入馬戲團。」
籌備出唱片
張衞健化小丑裝演出，阿Rain看到即忍俊不禁說：「我重成日幫佢化裝，因為化小丑裝只要喺面上髹色彩，好好玩。」此外，阿Rain稍後會推出唱片，她說：「經理人公司幫我安排緊，我想塑造好型嘅新造型見歌迷。」
採訪：比華利
