【本報訊】行政長官曾蔭權繼日前在施政報告中，引詩暗諷被迫下台的前特首董建華，昨日又用「聖堂的故事」諷刺董建華的施政報告太多「鴻圖大計」。
「諗嘢會諗後着」
曾蔭權昨出席香港電台節目《千禧年代》，被問及董建華的施政報告有很多計劃未有落實時，他表示：「向董生學到好多嘢，有啲人比董生更厲害，我可以講一個故事，聖堂需要大裝修，主堂神父話大約要四萬蚊，工程全部要一百萬，但係我哋做先，一定做到，結果好多分堂集資，卒之又做得掂。」
他說自己與董建華出身不同，受公務員訓練，「諗嘢會諗後着，第二着、第三着，起聖堂百分之五本錢已足夠，政治建制無百分之七十本錢，就唔好去馬。」他又指其施政報告「唔會劃出好多鴻圖大計，令人一眼望落去就知一定做唔到。」
體制不能走回頭
曾蔭權出席商業電台節目《在晴朗的一天出發》時，又被問及前任政務司司長陳方安生較早時批評，高官問責制削弱政府行之有效的體制，他回應說：「我尊重多方面意見，但一定要向前看，唔能夠維持舊陣時，根本嚿芝士都郁咗，唔可以走番轉頭，現時制度有可以改善嘅地方，但香港人唔可以接受番九七年前、一個殖民地官員加全部公務員，就可以控制香港大局。」