陳松伶早前到沙巴拍攝無綫《神山．熱帶雨林．探索大自然》期間，不慎跌倒扭傷筋骨，膝蓋及腳趾又嚴重勞損，寸步難行，幾經辛苦始能完成整個旅程，但松松認為此行啟發她愛護大自然，故無論多辛苦也值得。
陳松伶、陳鍵鋒及司徒瑞祈等人早前到沙巴熱帶雨林拍攝《神山特輯》，松松表示當地水蛭無孔不入，她的小腿、腰甚至臀部也受水蛭侵襲，松松說：「我已經係由頭包到落腳，唔係着露腰裝，但啲水蛭都可以爬到成身都係。」
行足二十四小時
第一日行程對松松而言，還算輕鬆，但到第二日出發攀爬神山時，松松始發現行程是何等艱巨。松松說：「淨係上山已經差不多要二十四小時，嗰度啲石級有啲一呎高，有啲成三、四呎高，我哋由上晝七點幾出發，爬到夜晚九點幾先至爬到山腰，休息幾個鐘之後，大概凌晨一點幾又再出發，一路爬到朝早九點幾先至到達山頂。」
松松續說：「由於不停咁行，我啲腳趾同膝蓋勞損得好厲害，爬爬吓我重跌低扭親筋骨，連行都行唔到，原本工作人員叫導遊孭我，但我覺得唔好意思，亦唔想加重人哋負擔，所以我用爬山杖叫導遊扶住我慢慢行，結果總算完成旅程。」
治傷趕演舞台劇
由於松松完成沙巴之旅後，即要到新加坡準備演出舞台劇《雪狼湖》，所以她一抵達新加坡後即進行物理治療，醫好腳傷，避免影響舞台劇演出。
儘管今次沙巴之行比想像中艱巨，但松松亦認為值得，她說：「體能上係痛苦，但心靈上就得到好多啟發，例如知道愛護大自然嘅重要性，呢方面都市人係無法了解。」
採訪：戴彩煥
