話咁快，全港學界「最佳進步獎」已經舉辦咗十五年，下個月十三日會喺九龍公園舉行頒獎禮，今年一共有三百九十五間中學參加，五千三百幾個學生獲獎，創咗新高。
叫得做「進步獎」，即係成績差嘅同學都有機會攞獎，條件係比之前有改善，周一嶽局長會去做主禮嘉賓。呢個獎由獅球教育基金主辦，煤氣、港台同傑青協辦，而東海同海都大老闆鍾錦就大力支持，未頒獎就請大家食進步宴。
坐喺八方旁邊正係被封為「進步王」嘅呂宇俊老師，呢位神奇小子生長於一個單親、吸毒同靠綜援生活嘅家庭，曾加入黑社會，後來受一位警察朋友勸喻，最後由會考零分，進步到考入浸會大學，一級榮譽畢業，𠵱家不但為人師表，重讀緊博士𠻹。
傳真︰2623-9278
電郵︰[email protected]