合和公路基建噚日簽銀團貸款協議，令公司資金增加三十六億元，主席胡應湘話，並唔係公司等錢使，只係攞嚟以備不時之需，等三地政府就港珠澳大橋項目拍板招標，佢哋可以第一時間入標，有錢擺喺度，就可以行動。哥頓話，𠵱家情況即係儲定錢，先至可以打電話約女仔出街。
哥頓又講到份施政報告，佢認為方向係正確同穩健，例如推行政改方案秉承循序漸進原則，唔係一腳將個波射入龍門。雖然特首冇喺施政報告內面再講叫人生三個，但哥頓好似有感而發，當有個相熟記者將自己剛出生冇耐嘅BB女相片攞畀哥頓睇時，哥頓猛話可愛，重即時拉住佢個仔胡文新（圖右），叫佢「落力啲」。不過胡公子重係單身，睇嚟要落力追番個女仔先。
傳真︰2623-9278
電郵︰[email protected]