廖碧兒、盧巧音（Candy）、洪欣等前晚到中環出席手表宣傳活動，穿上低胸豹紋貼身裙的廖碧兒姍姍來遲，她急急解釋說：「我係喺台慶亮燈儀式之後趕過嚟，我冇遲到，係大會通知我呢個時間。」提到她的豹妹打扮頗為性感，碧兒就說：「條裙唔係好性感，因為要配合番佢哋隻限量豹紋表，大會都會送一隻畀我㖭！」
謝絕愛的紋身
早前公開與「Figure王」蘇卓航拍拖的盧巧音，前晚亦以低胸裝襯豹紋裙上陣，還隱隱現出黑色喱士胸圍。Candy表示獲大會送贈一隻斑馬紋手表，記者問她會否將贊助商的手表送給男友？她笑說：「等我問吓有冇男裝先！呢啲嘢佢自己會搞掂。」Candy謂如遇到合適的服裝，也不介意與男友作情侶裝打扮，但就不會與男友一起紋上「愛的紋身」，她說：「一陣後悔就死！」
此外，洪欣早前與謝寧、毛舜筠等到馬來西亞傳福音，對於好友謝寧與岑建勳婚變一事，她說：「佢（謝寧）心情冇乜嘢，OK呀，總之作為朋友會支持佢，最緊要佢開心，第三者唔方便畀意見。」
採訪：駱華齡 攝影：何榮亮
