徐子淇、李嘉慧和伍詠薇等昨日在中環為時裝品牌Episode行騷，近日有報道指徐子淇與恒基太子爺李家誠因性格不合而甩拖，又指李家誠脾氣甚大云云。徐子淇行騷後，有備而戰地回應說：「太無聊喇，我哋係好正常嘅情侶，拍拖係好簡單嘅事，點解你哋外面會搞咁多是非、緋聞？我哋拍咗一年幾拖都冇嗌過交。」
嫁杏未有期
問徐子淇其男友是否大脾氣的人？她說：「我男友從來冇鬧過我，我哋關係好穩定，大家互相包容、支持，唔係錢銀上，而係精神上，好似我出書佢都好贊成，咁樣傳我哋分手，對佢係好唔公平。」至於「未來老爺」李兆基反應如何？徐子淇說：「係人都知係花邊新聞，結婚呢啲順其自然啦。」
而被傳未婚懷孕的李嘉慧，行騷時仍覺腹部微隆，她其後接受訪問時，慌失失說：「真係冇喎，我一向好安全，一定要結婚先大肚，你哋唔好再追問啦，手下留情。」
採訪：梁錦雯 攝影：陳偉權
