洪金寶日前從上海回來，前日宣傳電影《猛龍》，對於早前劉德華提議五影帝合拍電影救市，被杜琪峯指幼稚一事，洪金寶說：「救市唔係一個人可以做到，係團體嘅事。𠵱家個市咁樣，邊個會咁偉大放錢落去製作？其實自己人唔可以內訌，講嘅冇心，或者聽嘅有意，應該大家出嚟坐低傾，架空嚟講會造成誤會。」
成龍撐杜琪峯
另外，對於成龍早前指香港藝人被韓星蓋過風頭，洪金寶說：「人哋好唔會影響到我哋，邊有可能自己唔好就話人哋好！」而成龍昨日到機場出席活動時表示，不清楚曾志偉日前寸杜琪峯少為公益事業出力，他說：「我唔知呢件事，各人有各人嘅做事方式，我諗阿杜（杜琪峯）唔係咁嘅意思，可能係言語上嘅誤會。」
採訪、攝影：駱華齡