TerriHolladay前晚穿上性感低胸裝，以代言人身份宣傳模特兒比賽。Terri透露有追求者以玫瑰攻勢狂追她三星期，她渴望知道神秘人是何方神聖。
家電品牌Princess前晚在灣仔君悅酒店舉行「ModeloftheYear2005」比賽，選出香港區代表，馮德倫和楊崢等擔任評判，方力申與Stephy合唱助興，余安安和周啟邦夫婦現身捧場。
改電話避桃花
品牌代言人TerriHolladay施展渾身解數，以五百萬元鑽飾行頭加超低胸細碼裙，性感誘人，搶盡風頭。已解除婚約的Terri主動透露近期追求者眾，她說：「追求者來自好多國家，不斷打電話約會我，為咗避開啲追求者，我近期連電話號碼都要轉埋。」
追求者可有瘋狂舉動？Terri說：「冇，不過有非常浪漫嘅，有一個神秘追求者連續三星期，隔日就送半打玫瑰花嚟，搞到我屋企好似開花店咁！」問Terri神秘人可會是前度男友？她說：「好刺激！因為到𠵱家佢都冇留名，只係喺張卡度寫『lookingforwardtoseeyousoon！（盼望很快見到你）』我都好想快啲知係邊個！」
急需模特兒新血
余安安則認為香港模特兒界急需新血，她說：「𠵱家來來去去都係幾個面孔，應該有多啲唔同年紀、風格嘅。」余安安的大女兒早前亦有行騷，余安安對此說：「我個女係嬉戲性質，佢下年出國讀大學，要忙讀書喇，細女都有啲興趣，不過佢年齡好尷尬，所以冇乜人搵。」提到前夫李萬祺女伴如車輪轉，余安安即說：「話明前夫，即係已經冇關係啦，我哋冇聯絡好耐。」
採訪：JessicaNgan
攝影：ChenWaiOn
