名模陳沛嘉、Rosemary和去年亞姐冠軍呂晶晶等昨日在中環出席手袋活動，是非不斷的陳沛嘉獲頒「最具友情獎」，她分享待人接物心得時說：「我只係用心對人，做好自己本份，盡量多啲笑容。」
意大利品牌AlvieroMartini昨日在中環IFC新店舉行秋冬手袋展，創辦人AlvieroMartini亦有來港，即場頒發多個獎項予來賓，如頒「最具友情獎」予陳沛嘉、「最具和平獎」予陳煒等。
早前經常惹是非的陳沛嘉，對得到友誼獎仍有保留，她說：「我唔敢講，呢啲係人哋畀我，最好留番畀人哋批評啦！我只係用心對人，做好自己本份，盡量多啲笑容。」陳沛嘉又謂易結交朋友，她說：「只要捉到對方嘅性格特色就得，不過男仔就較難捉摸，希望未來另一半會率真，易相處啲。」
攞獎當之無愧
Rosemary是品牌的廣告女郎，獲頒「最具活力獎」她直言當之無愧，Rosemary說：「我噚日（指前日）去杭州做騷，今日喺飛機化妝整頭，落機即刻做騷，我都覺得自己充滿活力！」問她精力充沛有何秘訣？Rosemary說：「平時多做運動、游水、做gym，多工作就係我嘅推動力，同埋要多謝媽咪嘅湯水同燕窩。」拍拖可有幫助？Rosemary即說：「我唔會再講，講都冇用，我只係會着重我嘅工作。」
陳煒炮轟亞視
此外，陳煒、呂晶晶亦有出席活動，陳煒透露是自己聯絡公關出席，與亞視無關，已約滿的她抱怨說：「我咁多年喺ATV都冇一套劇擔正，我好努力爭取都冇用，新劇《喜有此理》又係用好多外援。」
採訪：JessicaNgan
攝影：WilliamHo
