吳彥祖與鄭希怡（Yumiko）昨日在時代廣場出席信用卡宣傳活動，大會安排吳彥祖坐在F430型號法利拉跑車出場，Yumiko則穿長裙跳舞，最後更把長裙脫掉，露出裏面的迷你裙。大會向二人送上兩張各有六位數字簽帳額的黑卡。
吳彥祖以型男名車姿態出現時，一度令女fans尖叫，司儀陳霽平說：「佢去到邊都好受女仔歡迎。」吳彥祖卻說：「除咗我家姐，因為我家姐唔係咁鍾意我。」
力撐千嬅
近日有前記者出書自稱與楊千嬅有過一段情，與千嬅曾傳緋聞的吳彥祖被問到是否相信時即力撐說：「冇話信唔信，咁你信唔信我會同個垃圾婆拍拖呀？」其後他又說：「可能佢（前記者）想宣傳啩？做藝人係會有呢啲問題，俾人寫都要面對，如果係我，企高啲睇唔使理佢。」
採訪、攝影：王連連