曾志偉昨日以合夥人身份出席漢傳媒集團的發布會，並主動回應早前劉德華提議五影帝合拍電影救市，卻被導演杜琪峯駁斥不可行及幼稚一事。志偉指此類人必定很少從事公益活動，大型救災活動一定沒有參與，兼且只會為自己，明寸阿杜。
由余錦基任主席的「漢傳媒集團」昨日在中環四季酒店舉行記者會，宣布進軍娛樂界。一班藝人及名模如周汶錡、李璨琛、駱樂、曾志偉、苗僑偉及王晶等均有出席，更請來陳嘉容、李蘢怡、李思蓓及文頌嫻擔任司儀。
扶掖後進
大讚劉德華有心
曾志偉送了道具腦和一埕酒給大會，他接受訪問時表示跟「漢傳媒」合作成立的公司名為「有間24小時創作室」，主力製作高質素電影，他說：「希望畀啲機會班後生仔，剛才上台送咗個腦畀公司，就係想借後生啲腦汁，埕酒係表示圈內有『情』。」志偉又主動提到成龍早前找他傾談集合圈中巨星合作拍片，以及劉德華提議五大影帝合作拍戲一事，他說：「成龍真係好有心嘅人，我哋之前傾過要拍一部電影，唔好話救市，係矚目嘅電影，可以令人有期待，好似《無間道》、《功夫》咁令人想入場嘅。」志偉又大讚劉德華是有心人，他說：「佢話拍片拍到傾家蕩產都拍，令我真係好感動。」
呼籲齊心
難明為何潑冷水
但華仔提議五大影帝合作拍戲的言論卻被導演阿杜形容為幼稚，志偉昨日明寸杜琪峯說：「我唔明點解有人潑冷水，形容呢啲有心人幼稚。我諗講呢啲嘢嘅人平時一定好少做公益事業，大型救災一定冇份，淨係會為自己。」志偉希望這類人就算不幫手，亦不要幫倒忙、潑冷水。志偉又指香港演藝圈受人尊重的其一原因，是有一班齊心的藝人，大家不要讓這類言論嚇怕。記者直問志偉此番說話是否回應早前阿杜所言，他笑笑口說：「回應大家啦。」
阿杜昨日就曾志偉的指摘在電話中說：「由得佢講啦，我冇乜嘢好講，我講嘅嘢講完就算，冇必要回應。」
人有錯口
元華失言速補鑊
而昨日一班跟「漢傳媒」合作的導演及藝人如志偉、王晶、陳嘉上及張同祖等皆在發布會上台致辭，並分別送上紀念品放進台上設置的錦囊內，寓意集思廣益共同努力。不過當中亦發生蝦碌事件，當元華跟應采兒代表王晶的「劇王朝」上台放入一本秘笈時，華哥衝口而出說：「希望劇王朝啲劇唔睇得都打得。」嚇得在旁的王晶即時補充說：「係睇得又打得。」但已引來台下一陣笑聲。
主席余錦基表示在機緣巧合下投資娛樂界，他又透露跟無綫電視合作的「Supersun新電視」初步已投資數億元。
採訪：何永寧
攝影：陳慧安
