八方噚日去立法會睇煲呔呢位「政治家」真人騷，同時又睇吓班尊貴議員點樣同佢爭風搶鏡，當然最常聽到嘅說話就係施政報告接納咗唔少「佢哋嘅高見」，例如開放禁區就係聽咗民建聯同鄉議局嘅建議。唔使有人請就可以嚟香港搵工打嘅輸入專才新政策，田少就話係佢哋嘅傑作；唔知「一水護田」個田，係咪田少咁解，但係，煲呔又點會護田呢？
白鴿黨就重誇，因為佢哋一見到煲呔份施政報告用咗佢哋個黨嘅綠色已經好高興，覺得煲呔有心「將綠繞」，與佢哋同一陣線。喺開記者會時，佢哋更加攞晒白鴿黨近年完成關於施政報告，同埋公平競爭法等等嘅研究出嚟，話啲建議係來自白鴿黨嘅，重話要再寄一份畀政府參考㖭。
既然大家都咁高興對號入座，煲呔都唔怕做順水人情，等班議員開心吓。
爆料熱線：29290000、27860099
報料傳真：26239278
報料電郵：[email protected]