林海峰的棟篤笑前晚在灣仔開鑼，抵死地嘲笑藝人、大講不文笑話，又爆粗及公開家事，令在座的太太彭羚又笑又喊。林海峰又扮子宮和陽具，講解性教育時更說：「老老實實，我得三、四分鐘。」
林海峰（Jan）前晚在灣仔伊館舉行首場《林海峰是但噏發花癲》棟篤笑，倪震與周慧敏、汪明荃、李克勤與盧淑儀，Jan的父母和太太彭羚、林曉峰康子妮夫婦和林珊珊等到場打氣。
搞到老婆眼濕濕
Jan談到與葛民輝同性戀及不和傳聞時說：「阿葛梗係唔嚟啦，我哋其實係基嘅，軟硬個名已經好基，我哋第一首歌嘅第一句歌詞係同志，之後係乜你，重唔係基。我哋首《foryou》，其實叫fu×kyou，係電台改咗名。」Jan謂後來遇見彭羚變直，才與阿葛不和，彭羚聽後掩面大笑。
Jan在台上公然爆粗，太激烈的粗口只做口形，說不文笑話很露骨，又扮子宮及陽具的形狀，即席講解性教育時說：「老老實實，我得三、四分鐘。」他謂太太彭羚婚後在家成為兩女兒的經理人，每次他向太太提及女歌手，都惹來嫉妒及呷醋，最後Jan代女兒在台上說：「媽媽ILoveYou。」彭羚忍不住眼濕濕。
提到影壇救市，Jan憶述拍電影《三岔口》時，導演要他與郭富城做疲累表情，誰知他呵欠沒打完，鏡頭就移去拍郭富城，只看見Jan的肩膊，Jan說：「香港電影咪咁死囉，五大影帝救市都冇用，都唔尊重劇本，畀得咁少錢岸西，點寫好嘢呀？累死郭富城咋。」
講到香港迪士尼，Jan笑說欣宜扮白雪公主並不是「吳唱K」的fans投訴，Jan說：「我唔明咁多人扮過白雪公主都冇人投訴，點解呢？因為白雪公主欣宜俾個後母，即係鄭少秋𠵱家老婆官晶華，掉佢去森林，遇到七個小矮人，點解小矮人高過公主㗎，白雪公主錫咗王子，唔係衰猴擒，而係擅自刪改歷史，應該係王子錫公主㗎嘛！迪士尼見成日俾人投訴，咪搵人嚟投訴番囉。」
「秋官顏面何存？」
Jan又解釋為何鄭少秋沒有公開撐女兒欣宜，他說：「秋官扮嘢多年，扮嘢秋乜都扮過，點知個女第一次扮嘢就俾人投訴，顏面何存呀？」事後Jan接受訪問時透露葛民輝一直在後台。至於爆粗，Jan說：「好小事啫，香港人邊個唔講㗎。」
此外，周慧敏與男友倪震、張達明夫婦和谷德昭等欣賞林海峰棟篤笑演出後，即結伴到灣仔佳文歎魚生消夜。
採訪：馬建華 攝影：仇志德
