吳日言（Yan）和組合Krusty昨日在金鐘出席由保護遺棄動物協會主辦的「HelloPetWinWinDay」記者會，並即場分享與寵物相處的心得。阿Yan表示她養的史納莎準備做絕育手術，她說：「因為我隻狗係迷你種，好難搵到同佢差唔多大嘅狗。屋企人準備等佢做完手術後，請假睇住佢，因為怕佢會咬開啲針線。」
收留流浪貓
至於Krusty成員活己嵐（阿嵐）和張詠恩（Jan）分別養了一隻貓和一頭狗，阿嵐說：「我隻貓係教唱歌老師喺街搵到嘅流浪貓，之前睇新聞話旺角有個男人會扭斷晒貓仔嘅手腳，好彩我嗰隻冇事。」阿Jan則說：「我養嘅班點狗好大隻，平時好頑皮，我帶佢出街控制唔到佢，反而俾佢控制番我轉頭！」
採訪、攝影：王連連