恒基地產與中華煤氣合作嘅土瓜灣翔龍灣，宣傳推廣攻勢陸續展開，繼上個月，請傳媒去美國，採訪貴價廚櫃展覽廳外，下個禮拜，再請傳媒去日本東京及韓國首爾參觀，佢哋重話，屆時會公布樓盤嘅最新開售及推廣計劃。 另外，永泰亞洲西貢溱喬，搞嘅海陸空三部曲，今日輪到最後一部，就係用汽車，接記者去樓盤現場參觀。之前係坐直升機及遊船河睇樓。