網上買車，有好有唔好，視乎你識唔識玩，編輯部各人對車頗有經驗，今次就親身體驗，結果係一個成功、一個嚴重失敗，今日先講網上成功篇。
網上二手車多數是私人買賣，所以售價會比二手車場平出約三成，但被騙機會亦較高，例如：積木車、大撞翻新車等，今次我們就在五小時之內，用$6,500買了一部非常企理的四門自動波車，價錢直迫劏車價。有興趣網上買平車的朋友，不妨參考這個個案。
記者：伍旋卓
網上留言問細節
二手車網站中，最多選擇算是28car.com和car8.com，今次到了28car.com，選了私人買賣、自動波、豐田，和二萬元以下的車種。在眾多結果中，我們選了這部$6,500的92年Corolla。
醒目貼士：網上買車最好睇「直板」沒有改裝，不妨用留言問清楚牌費、有否大撞、音響防盜，驗車與否等，我們這部車已換車頭引擎膠、Cam帶、水箱，但無牌費。
結果：留言回覆：基本設備齊全
一定要日間睇車
網上拍賣的汽車，質素多是參差不齊，特別是價錢較便宜的，所以一定要約在日間看車，堅持夜裏看的車，最好拒絕。
醒目貼士：以我們經驗，有問題的汽車多數會約在晚上八時後看車，因為天黑黑，電筒也照不出車身的問題，引擎漏油也非常難察覺。
結果：我們就定在中午十二時睇車，車身有花、車底有滲油、車胎有破損、車尾箱蓋曾經噴油，沒有大撞，以$6,500來衡量，全部可以接受。
計算維修費用
六千多元買部十多年的汽車，少不免會有漏油；車身曾經碰撞的情況。睇車時，除了留意一般買二手車要注意的事項外，還要計算維修的費用。
醒目貼士：以這款92豐田為例，壞冷氣泵和雪種喉，約$900。引擎底盤漏油，約$600。制動分泵漏油，約$1,000，引擎基本維修約$2,000。修補車身花痕，左頭沙板約$900連噴油。泵把噴油約$600。（車房價錢，全部連人工，只供參考）
結果：引擎底滲油$600、換前一對車胎氣嘴$60、燈膽$50、皮帶$120，車身花痕不理。
上午睇車下午立刻過戶
為防賣家將車身零件偷龍轉鳳，睇車前最好聯絡汽車保險經紀，詢查該車的保費。睇車後，立刻將牌簿副本傳真至保險公司，約兩小時後就有臨時保單（Covernote），下午到運輸署轉名。
醒目貼士：十年車齡以上的汽車，多數要加25％Loading。如果是雙門跑車或開篷車，保費更貴，以這部92年車為例，新牌仔出第三者保險，要$8,800，有齊60％NCB和30歲以上，則為$1,280。
結果：新牌仔出保險，$8,800。
總結
這部92年Corolla的劏車價約$5,000，今次車價連維修約$7,500，算是超值之選。
