香港人每日製造廢物以噸計，屋企有好多嘢好似無乜用，郁啲就話唔要。但細心一諗，其實好多可以改裝或循環再用。鐵線衣架一向都只用作掛衣服之用，但大家有沒有想過，用佢晾衫晾得三五七年有點變形，其實重可以來個大變身，死而復生。別忘記衣架是由鐵線做的，想點屈就點屈，掃把、領呔架、袋架、廁紙架，加一加想像力，真係變化萬千，點變都得！
記者：葉靜君 攝影：譚盈傑
Model：Tish@Coolfactory
變形迷你掃把
屋企郁一郁就有塵，大掃把淨係可以用嚟掃地，屋企好多窿罅位，最容易積塵，買極都買唔啱位，不如整把小型掃把，所費係零，但又隨時可以變形，掃乜位都啱！
步驟
小貼士
想靚當然會揀塊靚布，如嫌布條清潔度不夠，可用絲襪代替布條，絲襪組織細密，質地柔韌，較易吸塵，比普通布更能發揮清潔功效！
粉紅廁紙架
𠵱家乜都講話要包裝，廁紙架都唔例外，睇吓！衣架搖身一變就變成靚靚廁紙架！
步驟
小貼士
同理，衣架變抹手紙架一樣咁Easy，不過放喺廚房就唔用皺紙包，小心吸油污呀！
毛巾公仔袋
DIY唔一定係講實用嘅，包裝一下，剩餘物資都可以變得好靚好實用㗎！毛巾同衣架從來都係實用多於美觀，但經過幾個步驟之後，加個公仔，話咁快就變咗個靚靚掛袋嘞！
材料
衣架一個、毛巾一條（$8）、公仔一個、剪鉗一個（$39.9）、針線
步驟
小貼士
其實不一定要綁上公仔，綁上甚麼也可以，珠珠、絲帶、其他公仔、乾花、鮮花，隨你喜歡，任君選擇。
簡單領呔架
簡單到唔使點教，但實用性一流。
步驟
將衣架屈成菱形，再將下端向上屈成40度角。咁就完成！放領呔又得，放絲巾又得，放襪仔都得！
屈衣架要注意
１.新式家品舖頭已經唔賣鐵線衣架，要搵可以去舊式街市，約$7有8個。
２.衣架用極堅硬鐵線做的，大家動手屈時應小心，必要時可戴上勞工手套。
3.一般鐵線鉗剪不斷衣架，可以去買個大少少嘅鉗，一個約$39.9。
其他衣架變形記
變拖鞋架
包上布條，用來掛拖鞋，好實用。
公仔櫈
包上靚布塊，重有邊個睇得出係衣架？咁搞變電話座又得噃。
變襪架
輕輕一屈，晾襪就唔會走位，醒呀！
