四人男子組合alive的成員陳子聰、吳彥祖、尹子維和連凱，前晚齊在銅鑼灣出席「芝華士閃亮生活派對」，舉行祝酒儀式時，陳子聰和尹子維異口同聲指自己是飲得之人，故由二人做代表乾杯。
否認買老翻
問到四人可試過醉酒鬧事？陳子聰說：「通常係我鬧事。」吳彥祖則說：「我飲醉會瞓低，我好怕醉酒鬧事嘅人。」
對於近日有指alive出現意見分歧，對此吳彥祖說：「應該影到我笑，我冇表情，算唔算嬲？嬲係應該有表情。」而尹子維說：「我唔會喺公眾地方鬧交。」問到四子遇到意見分歧時會怎麼辦？吳彥祖說：「我哋從來冇問題，我哋會投票，二對二，成立以來冇嗌過交。」
此外，有指吳彥祖日前在內地買老翻影碟，他說：「我陪朋友去睇吓啫，內地邊度買到正版？我拎上手睇吓啫，嗰張係《冬蔭功》，我都未睇，等出正版先。」
採訪：魯萍 攝影：仇志德