張栢芝與前緋聞男友陳小春年前在泰國旅行時，被拍下身穿三點式為小春推油的照片。不過今非昔比，雖然二人近日合演賀歲片《招財進寶購物狂》而傳出栢芝翻𠝹小春，但昨日卻輪到老外男友Jeroen為栢芝搽油，認真風水輪流轉。
否認被翻𠝹
前晚栢芝、小春和劉青雲等在尖沙嘴拍攝《招》片，至晚上約十一時收工，小春鮮有地充任柴可夫送栢芝離場。
昨日小春到商台接受訪問，提到他為接近栢芝而再買康樂園新住所的傳聞，他說：「間屋係我賣出舊嗰間時已經買咗，咁拍完戲我有車，佢又話返大埔，咪車埋佢返囉。至於話復合同佢個新紋身係指我，人哋有男朋友，我唔知佢紋身喺邊，佢冇講我又冇睇。」
日前小春與栢芝齊往欣賞Rain演唱會，小春指栢芝剛巧有多一張飛才請他一起看，而舞蹈員出身的他提到Rain的舞姿時則說：「只要後面舞蹈員唔係好郁，前面嗰個郁多兩吓，已經好好睇，不過佢都郁得兩嘢，但我哋香港都唔係流嘅。」