周麗淇（Niki）日前赴泰國拍攝韓國手機短劇《KillLove》，飾演拳手的Niki與韓國職業拳手有連場擂台激戰，為此Niki更拜師學泰拳。由於運動量大，她趁空餘時間狂吃美食補充體力，還試過一口氣吃掉四杯啫喱呢！
周麗淇（Niki）日前到泰國拍攝韓國手機短劇《KillLove》，飾演拳手的她因男友變心而毅然離開拳壇，後來在機緣巧合下成為歌手。
Niki在劇中有連場擂台激戰，故她在拍攝前一個月已開始跑步練氣及鍛煉體能，到泰國後亦跟武術師傅學拳。在劇中與Niki打對台的是來自韓國的職業女拳手，Niki在未埋位拍攝時心情已甚為緊張，並不斷與韓女練習各種搏擊動作。
英韓兩語溝通
Niki說：「雖然韓國女角係職業拳手，但佢一啲都唔粗魯，而且重同我一樣，好鍾意卡通公仔。呢個女仔外表雖然好堅強，但內裏其實好柔情，我哋用唔同嘅語言溝通，佢用佢有限嘅英文，我用最初級嘅韓文，亦發生過好多趣事，最後大家都覺得身體語言可以打破一切語言障礙。」
Niki透露這個短劇還未決定結局，她說：「其實呢套手機劇係冇結局嘅，最後由韓國手機客戶去決定我究竟情歸何處，可惜香港嘅觀眾暫時未有機會睇呢套劇。今次喺泰國拍攝，一得閒就同公司同事品嘗當地美食，因為今次運動量大，經理人網開一面畀我放縱吓，我重試過連續食咗四杯啫喱㖭！」
「冇嘢俾人睇」
此外，Niki昨日到將軍澳電視廣播城為台慶排舞，她表示跳舞是強項，至於揀選舞衣，Niki認為性感不適合她，她說：「都係畀designer決定，最緊要唔好走光，我唔覺得少布係突出，再加上我又冇嘢俾人睇。」
