機場啲嘢又貴又未必好食備受詬病，有人寧願上飛機捱飛機餐好過。不過𠵱家喺北京首都機場「搵食」就唔同嘞，事關前日開始，首都機場內將八百幾種食物大減價一至四成，機場方面重話希望做到機場餐飲嘅價格接近北京市內相同檔次食店嘅收費水平，好似一杯咖啡由四十五元降到二十七元，宮爆雞丁由二十六元減到十八元，如果其他機場都效法，咁乘客就有口福啦。