月尾係西人鬼節Halloween，港人都興玩埋一份，新地觀塘apm商場，自然唔放過促銷機會，引入潮流搞作「3DTrickyArt」，整咗幾幅以南瓜為題材嘅巨型3D立體畫，最巨型嗰幅有成二千方呎，配合二十呎闊立體螢光南瓜部屋，營造疑幻疑真詭秘景象，令人好似懸浮喺半空嘅南瓜鬼屋裏面，啱晒貪玩一族。 新地租務總經理馮秀炎預計，商戶生意因此增加一成。