由香港十間電影公司組成嘅香港電影商會，早排話要聯合開部賀歲片嚟救市，其中一個代表中國星老闆向華強已經話咗唔睇好，而噚日馮仁昭又撞到寰亞老闆林建岳，同佢傾起呢件事時，佢都話：「冇得搞嘅，𠵱家時間太趕，而且有好多問題未解決，如果咁樣就去開戲，可能會弄巧反拙，所以我會同大家開會，叫佢哋放棄開賀歲片呢件事。」