陳奕迅（Eason）昨日在商台接受訪問，Eason有份參與演出無綫節目《翡翠歌星賀台慶》，一班歌星為爭做隊長據聞與年尾頒獎禮有關，Eason說：「我覺得如果真係做隊長而得獎機會大咗，個頒獎禮都冇意思。喺我角度要攞最受歡迎男歌手獎，真係要公認受歡迎嘅。」
禍及家人
問Eason覺得自己的受歡迎程度如何？他說：「OK嘅，起碼去銅鑼灣都有人認得。」問他可曾在街上被罵？Eason說：「有次喺機場有歌迷叫我簽名，我諗住上完電梯先簽，但有個唔關事嘅師奶就話『都係簽個名啫』，之後我喺免稅店見番佢，我同佢講『去旅行開心啲』，佢就指住我鬧，又鬧我老竇，又鬧阿徐。」