郭羨妮、廖碧兒、胡杏兒和Rosemary等昨日在鴨脷洲出席法拉利舉行的酒會，大談車經。廖碧兒謂揀男友準則如揀車，要快、sharp和實用，而郭羨妮則自爆曾在加國被老外撩上車兜風。
名車法拉利及瑪莎拉蒂位於鴨脷洲的陳列室開幕，昨日舉行酒會慶祝，楊婉儀任司儀，嘉賓郭羨妮、廖碧兒及胡杏兒大談車經。名人如李國安、馬清鏗和馮敬早等亦有到場試車。
郭羨妮上圍縮水
廖碧兒揚言睇中身旁的法拉利F50，更謂男人揸跑車特別吸引，她說：「尤其係紅色法拉利㖭，唔可以太快，快得滯追我追過龍！」廖碧兒又謂揀男友如揀車，她說：「要揀快、sharp同實用囉，sharp即係外形，要有啲一見鍾情feel。」
穿吊帶裙的郭羨妮纖瘦不少，她表示體重回落至一百零七磅，郭羨妮說：「做咗健康飲品代言人，同做多咗運動，咪由高峯期嘅一百一十九磅瘦番。」上圍可有縮水？郭羨妮說：「少少，自然會有啲，日日跑半個鐘跑步機都有幫助，我唔出街跑，條街太大塵，又多人。」
慢遊車河阻街
談到車經，郭羨妮謂平日愛揸慢車吹風，笑言自己阻街，她又說：「喺加拿大都試過行行吓街，俾個鬼佬撩我上車兜風，咁梗係咪搞啦！」
此外，張栢芝弟弟張豪龍的女友何佩嫻（Ann）昨日擔任賽車女郎，她否認外傳男友是蛀米大蟲，靠張栢芝接濟，Ann說：「佢有嘢做㗎，不過你哋唔知啫，佢滑水比賽有好多贊助，會有獎金，唔係使好多錢啫。」
採訪：JessicaNgan 攝影：RickyChan
