草蜢將於下周假座紅館舉行一連三晚《草蜢我們的演唱會》，為搞搞新意思，三子決定紅館何時開始准許觀眾入場，他們就何時開始演出，故此草蜢呼籲觀眾準時入場，屆時將有意外驚喜，當中包括欣賞到草蜢的舊MV和訪問，還設有問答環節，答中者將會得到草蜢的限量版T恤。
草蜢將於下周三至周五（本月十九日至二十一日）在紅館舉行紀念二十周年個唱《草蜢我們的演唱會》，並緊接於周六與林海峰演出《草蜢林狗‧我們一起發花癲》演唱會。今次草蜢舉行個唱，最特別之處是將開騷時間提早。只要紅館開門讓觀眾入場，演唱會就會立刻開始。
播放片段憶阿梅
草蜢所屬的唱片公司BMA負責人林珊珊昨日接受電話訪問時說：「草蜢話佢哋喺樂壇廿年，實在有太多嘢想同歌迷一齊回憶，所以佢哋構思開騷嗰三日，當紅館七點九開始放人入場時，咁早入場嘅觀眾可能會得到兩大驚喜，一個可能係睇到草蜢嘅額外表演，或欣賞到現場播番草蜢嘅舊MV，甚至係一啲舊訪問，有啲片段可能係同阿梅（梅艷芳）一齊！」
林珊珊續說：「另外阮兆祥又可能會走出嚟，問現場觀眾問題，答中問題嘅會得到草蜢嘅限量版T恤。」
望改善遲到歪風
據知，除了之前的預演時間外，演唱會將於八時十五分正式開始，一共唱兩個半小時，故草蜢呼籲歌迷屆時要準時入場。林珊珊表示：「𠵱家啲演唱會已經慣性遲開騷，搞到啲歌迷都慣性遲入場，所以草蜢希望可以改變吓呢個情況，先喺呢個演唱會度畀啲驚喜大家。草蜢喺樂壇成廿年，佢哋有咁多經歷，當然好想同歌迷一齊做見證啦！」
