陳百祥昨日率領李蘢怡（Tiffany）、陳文媛（BoBo）、李樂詩和蔣雅文在電視城排舞室，排練西班牙舞，準備在《翡翠歌星賀台慶》表演，無綫聘請了兩位舞蹈老師為他們排舞。
由於一班靚女均是第一次學西班牙舞，BoBo叫苦連天說：「我都係第一次學呢種舞，今日係第一日開始綵排，不過排咗半日，我對腳已經好痠痛，今日着平底鞋練習，相信隻腳嘅痛楚已經減咗一半，到正式表演嗰陣係要着高踭鞋，都唔知點算。」
不怕緋聞搬上枱
而在《翡翠歌星賀台慶》播映當晚，鄭中基和李克勤會表演「棟篤唱」環節，細數一班歌星的是非和戀情，問BoBo怕不怕緋聞被搬上枱，她說：「我知道冇得介意，亦冇得擔心，呢個係一個表演節目，令大家開心，所以唔使咁認真，而且每個人都有八卦新聞，可能輪到我嗰時，就夠鐘唱完呢！」
採訪、攝影：楊潔雯
