煲呔周街要捉邊個大口仔漏料，但係睇嚟不但冇得停，而且一日比一日堅，行會新加八個非官守成員，比原來嘅七人重要多一個，你話係咪示威？你唔畀我炒人，我就加個夠。
八個人完全冇一個係政黨人士，所以田少唔使恨，有人重笑話，脫離政黨有好處，因為可以加入行會，張炳良就係一個好例子。咁當然亦有人唱反調，叫大家唔好誤會張博士係民主派喎。
呢八大漢，即係李業廣、李國寶、夏佳理（圖）、張建東、范鴻齡、羅仲榮、梁智鴻以及張炳良，佢哋一係肥龍之友，一係煲呔老死，做過積金局、馬會同立法會議員有分加；一齊打過大鱷穩住香港金融體制以及打沙士都掂；幫過煲呔手選特首更係要報恩㖭。
張名單有埋中企代表都好平衡啦，八方忽然諗起，夏主席約咗十月中食蟹，莫非就係要慶祝一下，所謂守得雲開見月明，八方到時都要恭喜佢。
爆料熱線：29290000、27860099
報料傳真：26239278
報料電郵：[email protected]