今個月新盤熱烘烘，大角嘴一號銀海，開賣只十日，火速套現五十億，回晒本，信和賺到笑。 新地即刻部署開賣同區君滙港之餘，恒基都唔執輸。市傳，恒基想下個禮拜就有所動作，軟銷土瓜灣翔龍灣之餘，部署開放示範單位，然後開賣。 不過，𠵱家過千個單位嘅大盤，都會以強大陣容宣傳，閒閒地宣傳個幾兩個禮拜，加上翔龍灣逾千七個單位，會唔會咁快起動，恒基自己至知。