今日去班Friend屋企打機，除咗對鞋行唔夠三步，佢哋已經面有難色，口臭精重話中咗沼氣，扮晒暈低要人工呼吸。最慘就係連女朋友仔都掩晒鼻咁苦笑，OhMyGod，真係𤓓到爆晒燈。呢排開始秋涼，涼鞋再唔可以大派用場，日日對鞋包住對腳，汗腺發達嘅話唔臭就假，你話點算好？
記者：盧家蕙
攝影：周旭文
Model：Dino（FromSalvador）
民間方法醫腳臭
原來坊間都有唔少除臭大法，聽落幾騎呢，小記不嬲膽生毛，只需要少少準備，所費無幾，一支整沙律用既白醋都係你嘅救星！
第1招白醋浸腳
只需要用白醋浸腳一星期就有機會除臭，咪當做泡腳SPA囉，既可消除疲勞，又通體舒暢，真係爽到痹！如果你有皮膚敏感，可以用10-15毫升白醋加溫水，浸上15分鐘又得。
第2招茶浴浸腳
方法係用25克茶葉加少許食鹽加水煮滾，反覆搓洗即可治腳臭。咦，今日用普洱，聽日用香片，日日唔同味，過癮！茶葉含多種維生素和礦物質，夏季用來沐浴可防暑降溫，重會增強體質咁話，咁堅？
第3招檸檬汁吸臭味
外浸內服都試過，為咗以防萬一，可以來個加強版滅臭大法：首先滴少許檸檬汁於棉花或紗布之上，於出門前30分鐘塞入對鞋度，咁就可以吸臭㗎喇！加埋個吸汗除臭鞋墊就VeryGood喇！
第4招多飲瓜、菜湯
做完個靚靚腳SPA，不如飲番啖湯水補補佢。阿媽話：「飲多啲瓜湯、菜湯，可以消暑祛濕，你隻腳啲濕氣一定無咁多㗎！」好似真係減少咗汗腺分泌喎，阿媽好醒呀！
第5招防臭止汗劑
着涼鞋、高跟鞋又點着對厚身棉襪先？不宜着襪之時，不妨借助止汗劑、爽足噴霧，既方便又可保持清爽，唔少重有埋香味，包你噴完個人都醒神啲。
Lush足福爽腳粉$99
茶樹與青檸香薰油具抑菌、消炎等功效，能吸收足部多油脂與汗水、保持足部乾燥、舒緩疲勞、消除異味並預防濕疹；馬尾草則可強化腳趾甲。使用方法：直接拍灑適量於雙足或鞋內。特別適用於穿着涼鞋或運動鞋人士。
（右）TheBodyShop檸檬草除味足部噴劑$89
（左）TheBodyShop薄荷足部清涼噴劑$79
（右）TheBodyShop檸檬草除味足部噴劑$89
於清潔後或穿鞋前直接噴灑於足部，即使穿着絲襪或薄襪亦可直接使用。含有茶樹、迷迭香、薄荷、金盞花及山金車花等植物精華，可抑制及防止足部異味產生，給予清爽與活力。
（左）TheBodyShop薄荷足部清涼噴劑$79
可抑菌及防止足部異味產生；在舒緩痠痛足部的同時，給予清爽與活力。
TheBodyShop檸檬草除味爽足乳液$139
清潔雙腳後取適量按摩足部，令皮膚更加柔軟及潤澤。而爽足乳液所含之滑石成份，可吸收多餘水份，令雙腳倍加乾爽。
Kiehl's全方位運動護足霜（2安士）$135
配方含滋潤及除臭成份，有助預防運動引致的足部問題。
西醫：首選透氣度高襪子
以上的方法聽落有啲騎呢，Model試過話確係幾爽，效用有少少治標但未必治本。想正正經經改善腳臭，陳醫生推介有以下解決辦法。
（1）選擇透氣度高的襪子，棉質的襪子最為吸汗。
（2）避免天天穿同一雙鞋襪，至少多一雙鞋替換。
（3）每天保持腳部清爽及衞生，一定要抹乾腳趾罅，必要時可用吹風機吹乾。
（4）赤腳而行，可讓皮膚呼吸，也有腳底按摩之用，可促進血液循環。
（5）嚴重者可求醫接受藥物治療。
（6）藉助足部防臭劑，或在腳上或鞋內撒爽腳粉。
醫生：細菌發酵造成腳臭
家庭科醫生陳諾偉表示：「棒狀桿菌和微球菌是導致腳臭的源頭，這兩種細菌主要在以下情況滋生：（1）穿着不通風或積滿塵垢、腳汗的鞋，細菌發酵作用下而產生獨特的臭味，並併發足癬的問題。（2）襪子的質地吸汗力不佳。（3）先天汗腺發達，或有腳汗症的人，更容易引發異味。（4）新陳代謝旺盛的人，甲狀腺素過多，活動量大，腳出汗多，若再悶在鞋子裏，容易產生腳臭及香港腳。」
ShopList
Lush（22657257）
地址：九龍塘又一城UG40號店
Kiehl's（23192018）
地址：九龍塘又一城UG36號店
TheBodyShop（26841519）
地址：沙田新城市廣場一期308A號舖