林子祥（Lam）噚日接受港台節目電話訪問，佢講到𠵱家啲演唱會變得愈嚟愈多元化，好似已經唔係一個演唱會，阿Lam話：「徐小鳳同許冠傑出番嚟係好事，但佢哋嘅演唱會好似變咗一個event（活動），唔係演唱會，講嚟講去，最緊要係音樂，總之乜嘢機關都係假，觀眾都係想聽我啲音樂。」阿Lam重笑言歲月冇喺佢身上留下痕迹，只係留喺隻耳仔度！