家長一句說話，足可影響子女能否成材。莫慕貞教授表示，兒童往往缺乏分辨能力，須倚靠大人傳達訊息，若家長以批判或誇讚式的說話評價子女成敗，潛移默化之下，會令子女對成敗產生負面因素，阻礙他們發展。
多種形式鼓勵
莫慕貞說：「如仔女考試零分，有啲家長就會同佢哋講：『乜你咁蠢㗎，攞零分。』小朋友受家長影響，就會覺得係自己蠢成績先差，久而久之就會失去學習動機同唔願嘗試，成績就會差落去。」她說，若子女考獲一百分，家長即說：「你好叻！」子女最終亦會建立以能力定成敗的結論。
家長若希望子女對成敗建立良好的看法，應以多種形式鼓勵，譬如說：「你呢次努力係啱嘅，下次繼續啦！」或者說：「你考到一百分係策略正確。」莫慕貞提醒家長切忌向孩子說：「你攞一百分咁好運呀！」等說話，否則會令子女將成敗歸咎運氣。
本報記者