民建聯呢期好積極招攬會員,重請到唔少工商專業界猛人出動拍廣告,好似大紫荊勳章得主蔣震嘅乖女蔣麗芸,都係其中一個主角。
蔣麗芸一向女強人咁款,呢種可以壓吓場、又幾有星味嘅女黨員,喺民建聯真係好罕有。唔知係咪因為咁,令好多人都刮目相看。噚日八方路過某地鐵站,見到唔少人喺蔣麗芸個廣告燈箱前駐足,唔多唔少證明蔣小姐都算幾有魅力,至少有人肯停低睇睇,換咗馬力效果可能好唔同。
民建聯中人普遍睇好呢個招募計劃,相信呢班有專業背景嘅人士,可以吸引到唔少人加入喎。截至九月為止,民建聯已經有成三千四百幾個會員,比年初嘅千八人,已經進帳唔少,但民建聯重未滿足,希望今年埋單時,可以有三千六百人,咁佢哋真係要喺最後呢兩個幾月加油衝刺喇。
爆料熱線:29290000、27860099
報料傳真:26239278
報料電郵:[email protected]