李嘉欣緋聞男友龐維仁前晚到中環出席音樂劇活動，他主動澄清與女公關約會事件，又表示現時出入均被人追車，被迫改騎單車，問可有影響他跟李嘉欣的感情時，龐維仁大歎可惜，還謂現在與李嘉欣等朋友吃飯變得甚困難。
李嘉欣緋聞男友龐維仁前晚獨自一人到中環亮明居，出席「情．迷．音樂劇」預演晚會，到場的還有董趙洪娉、莫文蔚母親莫何敏儀和葉澍堃等。原子鏸有份參演「情．迷．音樂劇」，她透露在美國學唱歌十年，終有機會與專業百老匯演員合作，更會獨唱三首歌，令她既興奮又緊張。
改騎單車避追訪
龐維仁甫見傳媒即主動為早前跟女公關FrancesaHung約會的報道解畫，他說：「第一，嗰個公關係我公司啲人，合作做嘢好多年，我哋兩個好正經，人哋有家室，咁樣會影響人，根本係一件好普通嘅事，唔知點解會講到咁！」龐維仁續說：「第二，我𠵱家好開心，有自己生活，唔希望家人、朋友受到騷擾，我唔係公眾人物，你哋咁樣影響我嘅私生活。」
記者表示李嘉欣是公眾人物時，龐維仁即說：「咁你哋咪影佢囉！我同你哋唔係仇人，但寫嘢前要check吓，有啲人係無辜辜受害，寫到我同個乜嘢表叔自由行去買建材，嗰個係我同事嚟。我一揸車就有好多人跟，今日我都係踩單車嚟咋，搞到我𠵱家連同女同事出去開會都要避忌。」
「講咗咁多古仔」
問龐維仁可有影響他與李嘉欣的感情時，龐維仁說：「好可惜囉！俾記者講咗咁多古仔，𠵱家同朋友食飯都好難，個個都怕咗我，你哋對我任何朋友都要公平囉！」問到他與太太黃美儀之間的感情如何時，龐維仁即閉嘴，只說：「你哋畀啲空間我同屋企人啦！」臨走時龐維仁更不斷重申說：「放過我啦，leaveusalone！」
採訪：RitaLeung
攝影：ChenWaiOn
