黃貫中（Paul）噚日喺商台出席下月十二日舉行嘅「狂迷音樂會」記者會，佢自爆喺初中時期，女友要佢喺結他同愛情作出抉擇，最後佢為咗結他而同女友分手。馮仁昭問阿Paul𠵱家會點揀時，佢就好識做咁話會揀女友朱茵，不過佢承認如果女友真係咁問，佢會對女友扣分，佢重笑言都怕一陣返到屋企被扭耳仔㖭！