超級名牌LV前晚為慶祝巴黎總店重開舉行盛大派對，吸引全球紅星名人雲集。身為韓劇《大長今》fans的周潤發，與李英愛一見面即聊個不停，又大讚對方是傑出的亞洲演員及賢良淑德，完全無視坐在二人身旁的舒淇。 記者梁錦貞、林德雄巴黎直擊
超級名牌LouisVuitton為慶祝巴黎香榭麗舍大道總店重開，前晚舉行巨星三部曲慶典，先在新店搞紅地氈酒會，再以○六春夏時裝周壓軸作的姿態，在裝修兩年的巴黎PetitPalais皇宮內舉行LV時裝騷，最後則邀請來自全球數百位紅星名人，到皇宮外的場館參加慶祝派對。
連踩多場
參觀新店後再睇騷
港產國際巨星周潤發、香港代表舒淇、韓國首席女星李英愛、日本紅星米倉涼子、荷李活女星莎朗史東（SharonStone）、奧瑪花曼（UmaThurman）、雲露娜維達（WinonaRyder）、劉玉玲及法國老牌女星嘉芙蓮丹露（CatherineDeneuve）等，均以一身LV新裝亮相，現場星光閃爍。
身穿靚仔踢死兔的周潤發與太太陳薈蓮前晚連踩多場，先到新店巡舖，再於巴黎時間約晚上八時到達皇宮睇騷。事先張揚渴望見李英愛的發哥，甫到場即吸引大批傳媒拍照及索取簽名，他見到同樣坐在VIP第一行的李英愛時，即以英語與對方打招呼，二人談笑聊天傾足十五分鐘，完全無視坐在李英愛身旁的舒淇，令備受冷落的舒淇頗為尷尬沒趣，惟有轉向另一邊與友人聊天。
互相欣賞
同聲大讚新裝精采
周潤發事後說：「我同佢（李英愛）打招呼，我同佢講我好欣賞佢，亞洲有佢咁傑出嘅演員，佢又話番好欣賞我，重話好細個已經睇我做戲㖭。」問發哥與李英愛見面後有何感覺？他說：「佢好賢良淑德。」周潤發又表示甚少參加時裝騷，他說：「好耐冇試過聽咁熱鬧嘅音樂，啲衫好靚，五花八門，睇到我拍晒大髀、揼晒腳！有個女仔model都好似舒淇咁喎！」
而李英愛以英語接受訪問時，亦大讚LV新裝漂亮搶眼，她說：「好靚，有好多shockingpink同brightorange，好吸引。我覺得着衫最重要係有自己嘅個性同風格。」
舒淇掃貨
「我盡量唔碌爆卡」
至於舒淇前晚穿上價值逾四萬元的新裝及五萬多元的皮草手袋亮相，十分迷人，她透露此行將在巴黎逗留一星期，順道瘋狂購物。舒淇說：「我盡量唔碌爆卡啦，因為我想留番啲錢返去台灣買間大屋。」
提到LV經常為VIP或明星度身訂做用品，舒淇即時說：「最好tailormade一間LV大屋畀我啦，入面梳化、枱櫈、燈全部都要係LV，咁就好喇！LV嘅魅力好似紅酒咁，愈耐愈醇。」舒淇又笑言對法國又愛又恨，因為試過在機場遺失行李，亦試過瘋狂購物後遇上的士罷工，要步行返酒店。問到她可喜歡法國男士？舒淇說：「我鍾意佢哋浪漫，最啱做情人，不過太冇安全感，好驚㗎！」
