港區人大代表團每年暑假，都會到內地進行視察。前年去完內蒙，上年就去咗浙江，今年就輪到甘肅。唔好以為佢哋去到行行企企，食飯幾味就搞掂，查實佢哋視察完，就要喺一啲交流會上，向當地官員提問，了解詳情。
人大之一高寶齡話，港區人大發問時都幾尖銳，一唔滿意就再追問，唔會好輕易放過佢哋。可能內地都幾畀面港區代表，所以提供嘅資料都幾詳盡；如果唔夠，就會再去搜集，盡量令人大打道回府前，都得到滿意回覆。
去完咁多地方，下次去邊度好？高小姐話佢哋初步選定咗兩個地方，一個係華中，另一個係東北。如果去華中，就會主力睇貧瘠生活；如果去東北，就主攻邊貿情況，但暫時都未有最後決定。
不過，人大下個月都會有短途視察，地點係梅州，屆時應該都係主打成日出事嘅煤礦問題喇。
傳真︰2623-9278
電郵︰[email protected]