楊千嬅、古巨基和許志安齊在今年獲選為十大傑出青年，三位歌手昨日在親友陪同下出席記者會。基仔在台上清唱《多啦A夢》，千嬅則瘋狂儍笑，而安仔則表示獲獎後，做事要用心。
楊千嬅、古巨基和許志安昨日到灣仔會展出席「2005年十大傑出青年選舉」記者會，三位傑出青年得主的好友和家人亦有到場支持，安仔多年老友郭啟華陪他到場，而張衞健也是座上客。三位得獎者合照時，夾在安仔和基仔中間的千嬅更仰天狂笑，場面趣怪。
飲水思源謝無綫
眾得獎者上台發言時，基仔清唱卡通片《多啦A夢》的歌曲其中兩句歌詞「人人期望可達到，我的快樂比天高」及答謝無綫，他說：「我要多謝無綫，因為第一步喺無綫踏出，多謝佢哋栽培。」
早前有網友抨擊某些得獎者名不副實，對社會貢獻不大，由樂壇轉戰到「傑青」來抬高聲望，歌手們都否認此事。而基仔已成立了「古巨基兒童醫療基金」，落手落腳幫助有需要的人，他說：「我冇聽過呢啲消息，但出街好多人都恭喜我，而且網上好多網民都戥我開心。」
安仔盼克勤攞獎
千嬅發言時稱若在此場合多謝經理人有點奇怪，而她事後說：「做人要有勇有謀，每個人對傑出兩個字都有唔同睇法，最重要係生活實踐，𠵱家唔止係攞獎，而係真係幫到人滿足感更大。頒獎禮同呢個選舉係唔同，只係藝人得獎好易成為焦點。只可以講盡力而為，竭盡所能。」
至於被傳想加盟東亞娛樂的安仔在台上說：「我係特登由台灣返嚟出席嘅，我覺得最重要將來日子點做，做乜最緊要問心。我同千嬅、基仔都知之後要做更多嚟貢獻社會。我覺得好多歌手都好傑出，我覺得李克勤都好好，我對佢明年攞獎好有信心。」
採訪：王連連 攝影：陳慧安
