睇開亞洲版同歐洲版《華爾街日報》嘅讀者，今日會發現夾多咗一份八頁紙、細份啲嘅報紙；事關《華爾街日報》亞洲版同歐洲版將會喺下周一改頭換面，唔再用大開版印刷，改為細份啲嘅小報。今日夾附呢份縮水報紙，主要讓讀者先睹為快，睇吓新版面係點，今個星期會印超過二十萬份。
不過，《華爾街日報》唔會叫份小報做tabloid，而係叫做compact（簡潔版）。八方估計，《華爾街日報》唔想改版後，被人誤會走一般tabloid嘅八卦同埋花邊新聞路線，所以取名compact，以突出簡潔、小型嘅特質。新版《華爾街日報》話新聞會比較簡潔，版面色彩更豐富，並且貼近網上版本。
傳真︰2623-9278
電郵︰[email protected]