本欄請來各行各業名人講解他們最熟悉的產品，並向讀者提供消費心得，逢周一刊出。
在這個消費的年代，各類低檔、中檔、名牌產品紛陳，總令消費者感到迷失。富利堡車行主席兼行政總裁黃毅力表示，自己一直奉行「智慧型」消費，不論貨品或服務是便宜或昂貴，最重要原則是「用得其所、物超所值」，「因為搵錢係好艱難嘅。」
不盲目追求名牌
他說，要「智慧型」消費必須懂得不盲目追求名牌，貨品也不必要最好最貴，例如一部頂級相機，一般消費者都用不盡其全部功能，如果買來為了炫耀，只是白花金錢，「好似買車唔需要追求靚車，最緊要買部啱自己嘅車。重有唔好亂咁換車，因換車嘅成本好貴，新車落地就唔值錢！」
「智慧型」消費又必須要懂得格價，找出物超所值的貨品，也要懂得格價技巧。他說早前在美國報讀哈佛大學總統管理課程，其中一課教授談判技巧，就是不要去得太盡，「劈價劈得太盡，對方可能畀啲次貨你，或者黑晒臉口。買到咁勞氣，買到平貨都冇用。」
黃毅力強調，消費又可以分為「有形」消費及「生活體驗」式消費，「我鍾意後者，例如將錢花費喺買書同報讀課程上面，消費得嚟又可以充實自己。」買書有竅門，書海無涯，首先應在書商網站初步篩選，之後再到書店打書釘，一看三、四小時了解內容是否值得購買，「以免亂買一通最後變咗垃圾。」
學揸飛機也格價
另外，他最近學習駕駛直升機，並形容「學飛」大有學問，有錢也未必學得成。經格價後，他最終選擇在本港學飛，「香港學費約十六萬，外國學費要成二十幾萬。最大問題係外國環境、地形同香港唔同，喺外國考到牌，返嚟香港又要補鐘再考過，費時失事。重有，香港飛行導師好專業，何須他求？」
記者：蔡朗清