信和新盤往往吸引城中名人參觀，之前九龍塘MountBeacon有李嘉欣、楊千嬅，今次大角嘴一號銀海，一樣有名人撐場，重係三位出爐港姐，去到奧海城參觀示範單位及模型。
三位之中以冠軍葉翠翠談吐最得體，讚個盤廣告拍得靚，見到第一座頂層模型，又話覺得設計特別，重話係自己嘅DreamHouse，不過就要努力工作，先至有錢買。
幫過發展商打工嘅季軍林莉話，都有比較吓其他發展商嘅物業，又係大讚信和樓靚，用料唔錯，特別提到個廚房夠晒大。曾經係行內人，睇樓果然有深度。
至於亞軍陸詩韻就話，最欣賞一號銀海樓底高，喺市中心，又有海景。
電郵地址：[email protected]