賭王何鴻燊前晚出席兒子何猷龍在迪士尼舉行的舞會，對於十姑娘之前透過新抱向他發出聲明，指他變得婆媽一事，賭王叫十姑娘「顧掂自己先！」；而昨日賭王贏得網球比賽後，再次向十姑娘發炮，着她多做運動。
賭王何鴻燊兒子何猷龍奪得迪士尼樂園開幕後首個晚宴主辦權，前晚他與太太羅秀茵在迪士尼為加拿大國際兒童健康中心的「中國行動」舉行籌款晚會，筵開二十席，籌得近百萬港元。到場的還有何猷龍的父親何鴻燊、朱潔儀和湯家驊等。
小朋友王國
何猷龍前晚接受訪問時說：「我哋今次係為內地兒童籌款，揀迪士尼搞係因為呢個係小朋友嘅kingdom。」問他可有計劃生兒育女？何猷龍說：「我哋重後生，未有計劃住。」
在旁的羅秀茵更補充說：「我哋重係大細路，而且佢太忙，遲啲先算。」不過現場見羅秀茵不時用手掩肚，身旁又有公關攙扶，似有懷孕之嫌，何猷龍對此大力否認說：「唔係，100%唔係！」
至於獨自一人到場的賭王何鴻燊，對於早前十姑娘透過新抱陳復生發聲明，指他多年來生活於女人堆變得婆媽，何鴻燊前晚說：「叫佢顧掂自己先啦，佢咁耐都唔敢露面，次次要新抱扶住，企又企唔到，講嘢又螺螺脷，我就清清白白。」
第四次奪獎
此外，何鴻燊昨日到中華遊樂會參加網球賽，屢救險球，反擊又落點準繩，成功第四次奪得「七十歲及以上男子元老雙打賽」冠軍，何鴻燊趁機叫十姑娘多做運動，他說：「打麻雀都好，令到頭腦靈活，食滿胡真係成個人跳起！」
採訪：RitaLeung
攝影：EdwardChou、HoKwokHo
